Qimmatli qog‘ozlar bozori faoliyatini muvofiqlashtirish va nazorat qilish Markazi O'zbekiston Respublikasi Prezidentining 1996 yil 26 martdagi PF-1414-sonli Farmoniga muvofiq tashkil etilgan.
Markazning asosiy vazifalari va faoliyat yo‘nalishlari quyidagilar xisoblanadi:
qimmatli qog‘ozlar bozori yaratilishi, rivojlanishi, nazorat qilinishi va muvofiqlashtirishi bo‘yicha davlat siyosatini amalga oshirish;
Respublikada ro‘yxatga olingan qimmatli qog‘ozlar chiqariluvini va yagona davlat reyestrini (ro‘yxatini), xamda qimmatli qog‘ozlar bozori rivojlanishi va bozor qatnashchilari bo‘yicha ma’lumotlar bankini yuritish, qimmatli qog‘ozlar bozorida xisobot va xisobga olish tizimini tashkil etish, kimmatli kogozlar muomalasi va professional faoliyatni muvofiklashtirish;
barcha davlat organlari va xo‘jalik yurituvchi subyektlar qimmatli qog‘ozlar qonunchiligi bajarilishini ta’minlash va nazorat qilish;
qimmatli qog‘ozlarning milliy va xalqaro bozorlaridagi o‘zbek va xorijiy emitentlarning qimmatli qog‘ozlari chiqariluvi va samarali muomalasi uchun zarur xuquqiy sharoitlarni ta’minlovchi me’yoriy xujjatlarni ishlab chiqish;
qimmatli qog‘ozlar operatsiyasini amalga oshiruvchi investorlar – yuridik va jismoniy shaxslar xuquqi va manfaatlarini ximoyalash;
investorlar va jamoatchilikni qimmatli qog‘ozlar bozori xolati va qatnashchilari to‘g‘risida keng miqiyosda ma’lumotlashtirish;
qimmatli qog‘ozlar bozorining samarali infratuzilmasi tashkil etilishida qatnashish.

Markazning vakolati doirasida qabul qilingan qarorlari, davlat va maxalliy boshqaruv organlari, xo‘jalik yurituvchi subyektlari, qimmatli qog‘ozlar bozorining professional va noprofessional qatnashchilari, ularning birlashmalari (uyushmalari), shuningdek, O‘zbekiston Respublikasi xududida operatsiyalarni amalga oshiruvchi O‘zbekiston Respublikasi va xorijiy davlatlar fuqarolari tomonidan bajarish uchun majburiy xisoblanadi.

Markaz raxbari O‘zbekiston Respublikasi Prezidenti tomonidan tayinlanadi va bir vaqtning o‘zida O‘zbekiston Respublikasi Davlat mulki qo‘mitasi raisining o‘rinbosari xisoblanadi.

Markaz qimmatli qog‘ozlarning muomalalasi buyicha yagona standartlarni va qoidalarni ishlab chiqadi, xorijiy mamlakatlarning qimmatli qog‘ozlar bozorida vakil organlari bilan xamkorlikda milliy va xalqaro qimmatli qog‘ozlar bozorida qimmatli qog‘ozlar bo‘yicha qonunlar buzilishini oldini olish, bozor katnashchilari faoliyatini muvofiqlashtirishga oid tadbirlarni o‘tkazadi. Shu jumladan, Markaz 1998 yil 12 yanvardan Qimmatli Qog‘ozlar bo‘yicha Komissiyalar Xalqaro tashkiloti (IOSCO) a’zosi sifatida O‘zbekiston Respublikasi nomidan ushbu tashkilotda mas’ul vakil xisoblanadi